01Bizim IT işçimiz var və işləri görür. Bu nəyə lazımdır?
Məsələ bugün deyil. IT işçiniz məzuniyyətə çıxanda, xəstələnəndə və ya işdən gedəndə onunla birlikdə bütün tarixçə də gedir. Sistem həmin biliyi şirkətdə saxlayır: hər sorğu, hər həll və hər cihaz yazılı qalır. Üstəlik 40 nəfərdən 80 nəfərə böyüyəndə bir nəfər eyni sürəti saxlaya bilmir — sistem isə saxlayır.
02WhatsApp qrupu və Excel cədvəli kifayət etmirmi?
Bir müddət kifayət edir. Sonra qrupda sorğu axtarmaq mümkün olmur, cədvəl isə yüz sətirdən sonra yenilənmir. Nə orta cavab müddətini görmək olur, nə də kimin nəyə cavabdeh olduğunu. Sistemdə hər sorğunun sahibi, vaxt möhürü və tarixçəsi var — heç kim təsadüfən silə bilmir.
03Sistemi öz komandamla işlədə bilərəmmi, yoxsa siz idarə edirsiniz?
İkisi də mümkündür. ONYX Helpdesk iki modeldə işləyir: sorğuları ya sizin daxili IT komandanız bağlayır, ya da onlar birbaşa ONYX mühəndislərinin növbəsinə düşür. Modeli sonradan dəyişmək olar — data və tarixçə yerində qalır.
04İdarə olunan dəstək neçəyə başa gəlir?
Qiymət cihaz sayına görə açıq düsturla hesablanır və ayda 180 ₼-dən başlayır. Müqayisə üçün: Bakıda junior IT mütəxəssisi bütün ayırmalarla birlikdə ayda təxminən 850–1 100 ₼-a başa gəlir. Tam düsturu və tarifləri qiymətlər səhifəsində görə bilərsiniz.
05Məlumatlarım harada saxlanılır və kim görə bilər?
ONYX-in öz infrastrukturunda, Azərbaycanda idarə olunan serverlərdə. Hər müştərinin datası ayrıca izolyasiya olunur, giriş rola görə verilir və hər əməliyyat audit izində qeydə alınır. Uzaqdan dəstək bağlantısı da öz serverimizdən keçir.
06Nə qədər müddətə işə düşür?
Pulsuz planda qeydiyyat bir neçə dəqiqədir və elə həmin gün sorğu qeyd etməyə başlaya bilərsiniz. İstifadəçilərin, kateqoriyaların, cavab müddətlərinin və cihaz reyestrinin tam qurulması adətən bir neçə iş günü çəkir.
07Helpdesk (yardım masası) sistemi nədir?
Helpdesk sistemi işçilərin IT müraciətlərini bir yerə toplayan, onları prioritetləşdirən və həllinə qədər izləyən proqramdır. WhatsApp və e-poçtdan fərqi odur ki, hər sorğunun sahibi, müddəti və tarixçəsi olur — yəni dəstəyi ölçmək və idarə etmək mümkün olur.